شرح طقم بيبي تريكو

دي البطانيه اللي انا عملتها وزي ماانتو ملاحظين انا استغنيت عن باترون من الباترونين اللي معموله بيهم البطانيه الاصليه وباذن الله احط شريط ساتان هاي الحواف

ودي الغرزه من قريب

علي بركه الله
بسم الله الرحمن الرحيم
اولاالبطانيه
سهله جداااااااااااااا بتبدئي علي 169 غرزه ويستحسن تبدئي علي ابرتين علشان الحرف مايكونش مشدود
2- بتشتغلي 3سطور بالغرزه المرنه(عدل علي طول)بحيث يكون اول سطر هو السطر علي الوجه الخلفي للشغل يعني بتشتغلي اول سطر عدل وتبدئي تعدي ال3سطور من ثاني سطر
بعد ماتخلصي ال3سطور بيكون السطر التالي علي الوجه الامامي وده اللي بتبدئي عليه الباترون
3- حانشتغل بالباترون م1 علي 17غرزه

- حاتشتغلي ال8غرز الاولي والاخيره من السطر بالغرزه المرنه
ثم بعد اول 8غرز بتعملي 2عدل معا3مرات-* لفه-1ع-لفه-1ع-لفه-1ع- لفه- 1ع-لفه- 1ع- لفه (كده اشتغلتي 6لفات و5غرز ع)- 2ع معا(6مرات) *كرري مابين العلامتين ** حتي اخر السطر منتهيه ب2ع معا 3مرات ثم 8غرز عدل
السطر2- عدل
السطر 3- عدل
السطر4- 8عدل- مقلوب حتي اخر 8غرز بتشتغليهم عدل
وده الباترون بتاع الكنار بتشتغليه لمسافه 17سم تقريبا
الخطوه التاليه- قللي عدد الغرز الي143غرزه وابدئي الباترون M7
الباترون ده عباره عن 14سكر
اول سطرين جرسيه
تاني سطرين جرسيه مقلوب
تالت سطرين زي اول سطرين
رابع سطرين زي تاني سطرين
خامس سطرين زي اول سطرين
سادس سطرين زي تاني سطرين
سابع سطرين زي اول سطرين
ثم ابدئي الباترون M5
الباترون ده مكون من 3مراحل m5A,M5B,M5C
انا حااشرحه سطر سطر
السطر الاول- 1ع- 2ع معا- لفه (وده الباترون M5A علي 3غرز- *ع-لفه- تنقيص لليسار- 1ع- 2ع معا- لفه*(وده الباترون M5B علي 120غرزه) وحاتكرريه علي طول السطر وتنتهي ب1ع- لفه تنقيص لليسار- 1ع(وده الباترون M5Cعلي 4غرز)- ثم تعملي 8عدل
السطر2- 8عدل- كل السطر مقلوب حتي اخر 8غرز اشتغليهم مقلوب
السطر 3- 2عمعا- لفه- 1ع*2ع- لفه- تنقيص ثلاثي- لفه- 1ع*وكرري مابين العلامتين منتهيه ب2ع- لفه- تنقيص لليسار- 8ع
السطور 4و6و8 مثل السطر 2
السطر 5- - 1ع- لفه- تنقيص لليسار-*1ع- 2ع معا- لفه- 1ع- لفه- تنقيص لليسار*وكرري مابين العلامتين منتهيه ب1ع-2ع معا-لفه-1ع -8ع
السطر7- 2ع- لفه - تنقيص ثلاثي - لفه- 3ع- وكرري منتهيه ب2ع ثم 8ع

الرموز
ع=عدل
تنقيص لليسار- بتسلتي غرزه ع من غير شغل ثم تشتغلي التاليه ع ثم عدي المسلوته فوقها
تنقيص ثلاثي- بتسلتي غرزه ع ثم اشتغلي الغرزتين التاليتين ع معا ثم عدي الغرزه المسلوته فوق الغرزه الناتجه
دي الغرزه وانا عملت بيها البطانيه كلها ثم انتهيت بالباترون M7 ثم الباترونM1 للكنار

» فساتين بيبي كروشيه
» كتاب تريكو جميل
» بلوزات تريكو منوعة
» مجلات وكتب تريكو للتّحميل
» قبعة خلية النحل تريكو بالفيديو